ലക്ഷദ്വീപില്‍ സ്‌കൂളുകള്‍ ജൂണ്‍ 13ന് തുറക്കും
കവരത്തി: രണ്ട് മാസത്തെ വേനലവധിക്ക് ശേഷം ലക്ഷദ്വീപില്‍ വിദ്യാലയങ്ങള്‍ ജൂണ്‍ 13ന് തുറക്കും. എല്ലാ ക്ലാസുകളിലും പുതിയ അധ്യയന വർഷം മുതൽ മുഴുവൻ സമയവും ക്ലാസ് ഉണ്ടായിരിക്കും. കഴിഞ്ഞ വർഷങ്ങളിൽ കോവിഡ് മുൻകരുതലുകളുടെ ഭാഗമായി ഓൺലൈൻ ക്ലാസ്സുകളും പകുതി സമയ ക്ലാസുകളുമാണ് ഉണ്ടായിരുന്നത്.
എല്ലാ ദ്വീപിലെയും പ്രിന്‍സിപ്പല്‍മാര്‍, ബിത്ര ദ്വീപിലെ പ്രധാനാധ്യാപകരും അതാത് ദ്വീപുകളിലെ അധികാര പരിധിയിലുള്ള സ്‌കൂളുകളുടെ സുഗമമായ പ്രവര്‍ത്തനത്തിന് ആവശ്യമായ മുന്‍കരുതല്‍ നടപടികള്‍ ഉറപ്പാക്കണമെന്ന് മെയ് 27ന് വിദ്യാഭ്യാസ ഡയറക്ടര്‍ രാകേഷ് സിംഗല്‍ ഡാനിക്‌സ് പുറത്തിറക്കിയ ഉത്തരവില്‍ പറയുന്നു.
എല്ലാ ദ്വീപിലെയും പ്രിന്‍സിപ്പല്‍മാര്‍, ബിത്ര ദ്വീപിലെ പ്രധാനാധ്യാപകരും അതാത് ദ്വീപുകളിലെ അധികാര പരിധിയിലുള്ള സ്‌കൂളുകളുടെ സുഗമമായ പ്രവര്‍ത്തനത്തിന് ആവശ്യമായ മുന്‍കരുതല്‍ നടപടികള്‍ ഉറപ്പാക്കണമെന്ന് മെയ് 27ന് വിദ്യാഭ്യാസ ഡയറക്ടര്‍ രാകേഷ് സിംഗല്‍ ഡാനിക്‌സ് പുറത്തിറക്കിയ ഉത്തരവില്‍ പറയുന്നു.