കവരത്തി: ജൂലൈ 28 മുതൽ ഓഗസ്റ്റ് 5 വരെ അസമിൽ നടക്കുന്ന ഡോ. ബി.സി. റോയ് ജൂനിയർ ദേശീയ ഫുട്ബോൾ ചാമ്പ്യൻഷിപ്പിൽ പങ്കെടുക്കാൻ ലക്ഷദ്വീപ് ടീം സജ്ജമായി. പ്രീ-നാഷണൽ കോച്ചിംഗ് ക്യാമ്പിൽ പങ്കെടുക്കുന്നതിനായി തിരഞ്ഞെടുക്കപ്പെട്ട കളിക്കാരെ കൊച്ചിയിലെത്തിക്കുന്നതിന് അഗത്തി, മിനിക്കോയ്, ആന്ത്രോത്ത്, കവരത്തി ദ്വീപുകളിലെ പ്രിൻസിപ്പൽമാർക്ക് വിദ്യാഭ്യാസ കായിക യുവജനകാര്യ ഡയറക്ടറേറ്റ് നിർദ്ദേശം നൽകി.
കവരത്തി എസ്‌വൈഎയിലെ ഫുട്‌ബോൾ കോച്ച് ശ്രീ ഷിറാസ് ഖാലിദ് സി, അസിസ്റ്റൻ്റ് കോച്ച് ശ്രീ നിസാമുദ്ദീൻ എം സി, ലക്ഷദ്വീപ് ഫുട്‌ബോൾ അക്കാദമിയിലെ ഗോൾകീപ്പർ കോച്ച് മഷൂർ പി പി എന്നിവർ ടീമിനെ നിയന്ത്രിക്കുകയും അകമ്പടി സേവിക്കുകയും ചെയ്യും. തിരഞ്ഞെടുത്ത വിദ്യാർത്ഥികളുടെ പട്ടിക അതത് സ്കൂൾ പ്രിൻസിപ്പൽമാരുമായി പങ്കിട്ടു.