കവരത്തി/ അഗത്തി: ലക്ഷദ്വീപിലെ ആദ്യ 4G സേവനവുമായി എയർടെൽ എന്ന തലക്കെട്ടിൽ വലിയ വാർത്താ പ്രാധാന്യം നേടിയ എയർടെൽ പക്ഷേ ഉപഭോക്താക്കളെ ചൂഷണം ചെയ്യുന്നതായി പരാതി. വലിയ പണം ഇറക്കി ലക്ഷദ്വീപിൽ 4G ഇറക്കിയ എയർടെൽ ഇറക്കിയ പണം കുറച്ച് ദിവസം കൊണ്ട് വസൂലാക്കാൻ ഉണ്ടാക്കിയ പദ്ധതികളാണ് ഉപഭോക്താക്കളെ അലസോരപ്പെടുതിയത്.

ഇന്ത്യയിൽ എല്ലായിടത്തും ലഭ്യമാവുന്ന ഓഫറുകൾ ലക്ഷദ്വീപിൽ മാത്രം ഡാറ്റ കുറച്ചും വാലിഡിറ്റി കുറച്ചും ഈടാക്കിയത് ശ്രദ്ധയിൽപ്പെട്ടതോടെയാണ് ഉപഭോക്താക്കൾ കസ്റ്റമർ കെയറിൽ വിളിച്ച് കാര്യം തിരക്കിയത്. തുടർന്ന് എയർടെൽ ബഹിഷ്കരിക്കാൻ സോഷ്യൽ മീഡിയയിൽ സമര ആഹ്വാനം ചെയ്തിരിക്കുകയാണ് ദ്വീപിലെ യുവാക്കൾ.