അഗത്തി: അഗത്തി, കവരത്തി, ബംഗാരം ദ്വീപുകളില്‍ നിലവിലുള്ള എയര്‍റ്റെല്‍ 2G സേവനങ്ങള്‍ 4G യായി ഉയര്‍ത്താനുള്ള നടപടികള്‍ ത്വരിതഗതിയില്‍ പുരോഗമിക്കുന്നു. നിലവിലുള്ള ഡാറ്റാ വേഗതയും എയര്‍റ്റെല്‍ ഉയര്‍ത്തിയിട്ടുണ്ട്. ഇതിനായുള്ള സാങ്കേതിക സാമഗ്രികള്‍ അഗത്തി, കവരത്തി ദ്വീപുകളില്‍ എത്തി. ഇത് കൂടാതെ അഗത്തിയില്‍ ഒരു അഡീഷണല്‍ ട്ടവറും മിനിക്കോയ്, ആന്ത്രോത്ത്, അമിനി, കടമത്ത് തുടങ്ങിയ ദ്വീപുകളിലേക്ക് സേവനം ആരംഭിക്കുന്നതിന് ഭാരതി കേരള സര്‍ക്കിള്‍ എയര്‍റ്റെല്‍ ചീഫ് ടെക്നിക്കല്‍ ഓഫീസര്‍, ലക്ഷദ്വീപ് അഡ്മിനിസ്ട്രേറ്ററോട് അനുവാദം ചോദിച്ചിട്ടുണ്ട്.