കവരത്തി (23/01/2015): ലക്ഷദ്വീപില്‍ ആദ്യമായി ഓണ്‍ലൈന്‍ വഴിയുള്ള ബില്ലിങ്ങ് സമ്പ്രദായം ഏര്‍പ്പെടുത്തി ചരിത്രം സൃഷ്ടിക്കുകയാണ് ലക്ഷദ്വീപ് വിദ്യുത്ഛക്തി വകുപ്പ്. ജനുവരി 26നു ഉല്‍ഘാടനം ചെയ്യുന്ന ഈ സംവിധാനം പൊതുജനങ്ങള്‍ക്ക് ഏറെ ഉപകാരപ്രദമായിരിക്കും. നീണ്ട ക്യൂവില്‍ നിന്നും താല്‍കാലിക ആശ്വാസമായിരിക്കും ഈ സംവിധാനം. എന്നാല്‍ ലക്ഷദ്വീപിലെ നിലവിലെ ഇന്‍റര്‍നെറ്റ് ശൃംഖലയുടെ ശുഷ്കമായ അവസ്ഥയില്‍ പദ്ധതി എത്രത്തോളം വിജയിക്കുമെന്ന് കണ്ടറിയണം. ലക്ഷദ്വീപിന്‍റെ കപ്പല്‍ ടിക്കറ്റിങ്ങ് സംവിധാനം കൂടി ഓണ്‍ലൈന്‍ സംവിധാനത്തിലാക്കുന്നതിനുള്ള ചര്‍ച്ചകള്‍ പുരോഗമിക്കുന്നതായി സാങ്കേതിക രംഗത്തുള്ളവര്‍ അറിയിച്ചു.
താഴെ കാണുന്ന ലിങ്കില്‍ ക്ലിക്ക് ചെയ്ത് ബില്ലടയ്ക്കാം.