DweepDiary.com | ABOUT US | Monday, 06 February 2023

ലക്ഷദ്വീപ് മുന്‍ എം.പി മുഹമ്മദ് ഫൈസലിന്റെ അപ്പീലില്‍ നാളെ വിധിപറയും

In main news BY P Faseena On 24 January 2023
കൊച്ചി: വധശ്രമ കേസിൽ ലക്ഷദ്വീപ് ജില്ലാ കോടതി വിധി റദ്ദാക്കണമെന്ന മുഹമ്മദ് ഫൈസലിന്റെയും കൂട്ട്പ്രതികളുടെയും ഹര്‍ജിയില്‍ ഹൈക്കോടതി നാളെ വിധി പറയും. ജസ്റ്റിസ് ബച്ചുകുര്യന്റെ ബെഞ്ചാണ് ഹര്‍ജി പരിഗണിച്ചത്. ഇരുവിഭാഗത്തിന്റെയും വാദം പൂര്‍ത്തിയായി. ഇന്ന് ഭരണകൂടത്തിന്റെ വാദമാണ് കോടതിയില്‍ പ്രധാനമായും നടന്നത്. കഴിഞ്ഞ ദിവസങ്ങളില്‍ നടന്ന വാദങ്ങളില്‍ തങ്ങള്‍ക്കെതിരെ കൃത്യമായ തെളിവുകള്‍ ഇല്ലെന്നും ആയുധങ്ങള്‍ കണ്ടെത്തിയിട്ടില്ല എന്നുമാണ് മുഹമ്മദ് ഫൈസലും മറ്റ് പ്രതികളും പ്രധാനമായും ഉന്നയിച്ചത്.
എന്നാല്‍ ഈ വാദത്തെ ശക്തമായി എതിര്‍ത്താണ് പ്രോസിക്യൂഷന്‍ വാദിച്ചത്. പ്രതികള്‍ക്കെതിരെ വധശ്രമത്തിന് ശക്തമായ തെളിവുകളുണ്ട്. ആയുധങ്ങള്‍ കണ്ടെത്തിയിട്ടില്ലെങ്കിലും സാഹചര്യ തെളിവുകളും സാക്ഷിമൊഴികളും പ്രതികള്‍ക്കെതിരാണ്. സാക്ഷിമൊഴികളില്‍ വൈരുദ്ധ്യമുണ്ടെന്ന് അംഗീകരിക്കാനാവില്ല. കേസ് അന്വേഷണത്തെക്കുറിച്ച് വിചാരണകോടതി വിമര്‍ശിച്ചതും പ്രോസിക്യൂഷന്‍ കോടതിയില്‍ ചൂണ്ടിക്കാട്ടി.
അതേസമയം മുഹമ്മദ് ഫൈസലിനെ എം.പി സ്ഥാനത്ത് നിന്ന് അയോഗ്യനാക്കിയതിനെ തുടര്‍ന്ന് ലക്ഷദ്വീപില്‍ ഉപതിരഞ്ഞെടുപ്പ് പ്രഖ്യാപിച്ചിട്ടുണ്ട്. ഫെബ്രുവരി 27നാണ് തിരഞ്ഞെടുപ്പ്. ഇലക്ഷന്‍ കമ്മീഷന്റെ തീരുമാനം റദ്ദാക്കണം എന്നാവശ്യപ്പെട്ട് ഫൈസല്‍ സുപ്രീംകോടതിയെ സമീപിച്ചിട്ടുണ്ട്. ഈ ഹര്‍ജി 27ന് പരിഗണിക്കും.

SHARE YOUR FEEDBACK

RECENT IN THIS CATEGORY