കവരത്തി: ജില്ലാ കളക്ടർ അസ്കർ അലിയെ എൻ.സി.പി പ്രവർത്തകർ സെക്രട്ടറിയേറ്റിന് മുന്നിലുള്ള വഴിയിൽ തടഞ്ഞു. മെയ് 25ആം തീയതി സമരം പ്രഖ്യാപിച്ചതിനെതുടർന്ന് എൻ.സി.പി പ്രവർത്തകരെ ഓരോന്നായി അറസ്റ്റ് ചെയ്യാൻ ശ്രമിച്ച ലക്ഷദ്വീപ് അഡ്മിനിസ്‌ട്രേഷന്റെ നടപടിയിൽ പ്രകോപിതരായാണ് പോലീസ് സംരക്ഷണത്തിൽ സെക്രട്ടറിയേറ്റിലേക്ക് പോകുകയായിരുന്ന കളക്ടർ അസ്കർ അലിയെ എൻ.സി.പി പ്രവർത്തകർ തടഞ്ഞുവെച്ചത്. പോലീസ് ബലം പ്രയോഗിച്ചു പ്രവർത്തകരെ നീക്കി കളക്ടർക്ക് വഴിയൊരുക്കാൻ ശ്രമിച്ചപ്പോൾ പ്രവർത്തകരും പോലീസും തമ്മിൽ സംഘർഷമുണ്ടായി പ്രതിഷേധത്തിനൊടുവി ആറോളം എൻ. സി. പി പ്രവർത്തകരെ അറസ്റ്റ് ചെയ്തു.