കൊച്ചി: ഹൃദയശസ്​ത്രക്രിയക്കായി ലക്ഷദ്വീപില്‍നിന്ന്​ കൊച്ചിയില്‍ എത്തിച്ച നവജാത ശിശു മരിച്ചു. ഒമ്ബതു ദിവസംമാത്രം പ്രായമായ കുഞ്ഞിനെ ഹെലി- ആംബുലൻസിൽ ഉച്ചയോടെയാണ്​ കൊച്ചിയിലെത്തിച്ചത്​. ലിസി ആശുപത്രിയി​െലത്തിച്ച്‌​ അടിയന്തരമായി തീവ്രപരിചരണ വിഭാഗത്തില്‍ പ്രവേശിപ്പിച്ചെങ്കിലും മരിക്കുകയായിരുന്നു. മിനിക്കോയ് ദ്വീപിൽ നിന്നാണ് ഈ പിഞ്ചുപൈതലിനെ വൻകരയിലെത്തിച്ചത്.

ഹൃദയത്തില്‍നിന്ന്​ പുറത്തേക്കുവരുന്ന രക്തത്തില്‍ അശുദ്ധരക്​തവും കലരുന്നതായിരുന്നതായിരുന്നു കുട്ടിയുടെ അസുഖം. കുഞ്ഞിന്​ അടിയന്തര ശസ്​ത്രക്രിയ ആവശ്യമായിരുന്നു. ഇതേ തുടര്‍ന്ന്​ കൊച്ചിയില്‍ എത്തിച്ച്‌​ ശസ്​ത്രക്രിയ നടത്താനായിരുന്നു തീരുമാനം. തുടര്‍ന്ന്​ ലക്ഷദ്വീപ്​ അഡ്അഡ്മിനിസ്ട്രേഷന്റെ ഹെലി- ആംബുലൻസിൽ കൊച്ചിയിലെത്തിക്കുകയായിരുന്നു. ഇന്ന് അഗത്ത്തിയിൽ നിന്നും മിനിക്കോയിയിൽ നിന്നും നവജാത ശിശുക്കളെ എയർ ആംബുലൻസിൽ കൊച്ചിയിൽ എത്തിച്ചിരുന്നു. ഏത് ദ്വീപിലെ കുട്ടി ആണ് മരിച്ചത് എന്ന് സ്ഥിരീകരിച്ചിട്ടില്ല.