കടമത്ത്- പിഞ്ച് കുഞ്ഞുങ്ങളെ പീഡിപ്പിച്ച പ്രധാനാധ്യാപകനെ പോലീസ് കസ്റ്റഡിയിലെടുത്തു. ഗവ.എസ്.ബി സ്കൂള്‍ (സൗത്ത്) ലെ ഹെഡ്മാസ്റ്ററായ ഇദ്ദേഹം അഗത്തി സ്വദേശിയാണ്. മൂന്നാം ക്ലാസ്സില്‍ പഠിക്കുന്ന പെണ്‍കുട്ടികളാണ് പീഡന വിവരം പുറത്ത് വിട്ടത്. ഇതിനെ തുടര്‍ന്ന് രക്ഷിതാക്കള്‍ രോഷാകുലരാവുകയും അധ്യാപകനെ എത്രയും പെട്ടെന്ന് അറസ്റ്റ് ചെയ്യണമെന്ന് പോലീസിനോട് ആവശ്യപ്പെടുകയുമായിരുന്നു. പോലീസ് ഇദ്ദേഹത്തെ കസ്റ്റഡിയിലെടുത്തു ചോദ്യം ചെയ്തു. ഇദ്ദേഹം കുറ്റം സമ്മതിച്ചെന്നാണ് റിപ്പോര്‍ട്ട്. കൂടുതല്‍ തെളിവെടുപ്പിനായി അമിനിയിലേക്ക് കൊണ്ടുപോയി.